UM ÁVINNA

Að baki ÁVINNU stendur Þórdís Ósk Helgadóttir, sem hefur gegnt fjölbreyttum stjórnunarstörfum, meðal annars sem sviðsstjóri hjá Reykjanesbæ og deildarstjóri hjá Reykjavíkurborg. Hún býr yfir umfangsmikilli reynslu af rekstrar- og mannauðsstjórnun, þjónustustjórnun, stefnumótun, verkefnastjórnun, stafrænni þróun og innleiðingu umbóta og breytinga.

​

Starfsreynsla hennar spannar bæði opinbera stjórnsýslu og einkarekstur. Hún hefur jafnframt komið að fjölbreyttum verkefnum á sviði ferðaþjónustu, sölu- og markaðsmála, hönnunar og þjónustu og rekstrar. Þessi fjölbreytti bakgrunnur hefur veitt henni góða innsýn í ólíkt rekstrarumhverfi, þarfir viðskiptavina og mikilvægi þess að þróa skilvirka og árangursríka þjónustu.

​

Þórdís er með meistaragráðu í verkefnastjórnun, IPMA D-vottun í verkefnastjórnun og stundar meistaranám í mannauðsstjórnun við Háskóla Íslands. Hún hefur jafnframt eflt faglega þekkingu sína með námskeiðum og símenntun á sviði stjórnunar, rekstrar og starfsþróunar.

​

ÁVINNA var stofnuð með það að leiðarljósi að nýta þessa fjölbreyttu reynslu og þekkingu til að styðja fyrirtæki og stofnanir við að takast á við áskoranir, nýta tækifæri og ná árangri. Áherslan er á hagnýtar lausnir, gott samstarf og markvissa framkvæmd sem skilar raunverulegum verðmætum.

​

Hjá ÁVINNU mætast þekking, reynsla og framkvæmd – með ávinning viðskiptavinarins að leiðarljósi.